تیز رفتار ڈمپر کا وین سے خوفناک تصادم، 2 افراد جاں بحق، 15 زخمی
سپر ہائی وے پر کاٹھور موڑ کے قریب ایک تیز رفتار ڈمپر نے مسافروں سے بھری وین کو ٹکر مار دی، جس کے نتیجے میں ایک بچی سمیت دو افراد جان کی بازی ہار گئے، جبکہ سات خواتین سمیت 15 مسافر زخمی ہو گئے۔
پولیس کے مطابق ڈمپر مخالف سمت سے تیز رفتاری سے آ رہا تھا، جو حادثے کی بنیادی وجہ بنی۔ جاں بحق افراد کا تعلق حیدرآباد اور ٹنڈو آدم خان سے بتایا گیا ہے، جو شادی کی تقریب کے بعد اپنے گھروں کو واپس جا رہے تھے۔
پولیس نے ڈمپر کے ڈرائیور کو گرفتار کر کے گاڑی کو تحویل میں لے لیا ہے، اور واقعے کی مزید تحقیقات جاری ہیں۔
