اسرائیلی آئل ٹینکر پر مبینہ ڈرون حملے میں دو افراد ہلاک
تل ابیب /لندن/تہران(ویب ڈیسک)بحیرہ عرب میں عمان کے ساحل کے قریب ایک اسرائیلی تیل ٹینکر کو ڈرون حملے سے نشانہ بنایا گیا، جس میں جہاز پر سوار کم ا ز کم دو افراد مارے گئے۔ اسرائیل نے اس حملے کا الزام ایران پر عائد کیا ،میڈیارپورٹس کے مطابق امریکی بحریہ سے وابستہ ماہرین نے ہفتہ کوبتایا کہ مرسر اسٹریٹ نامی اس تیل ٹینکر
- Advertisement -
پرجمعرات کے روز حملہ کیا گیا تھا۔ یہ کمرشل جہازوں پر ہونے والے حملوں میں برسوں بعد ہلاکت کا پہلا واقعہ ہے۔حالانکہ کسی نے بھی اس حملے کی ذمہ داری قبول نہیں کی ہے تاہم اسرائیلی حکام نے اس ڈرون حملے کے لیے ایران کو مورد الزام ٹھہرایا ،مرسر اسٹریٹ لندن میں رجسٹرڈ زوڈیئک میری ٹائم کے زیر انتظام ہے، جو اسرائیلی ارب پتی تاجر عیال اوفر کے زوڈیئک گروپ کا حصہ ہے۔