Masael Quetta

حکومتی اقدامات صوبے میں خوشحالی اور ترقی کے ضامن ہیں، بشریٰ رند

0 238

Get real time updates directly on you device, subscribe now.

کوئٹہ ( مسائل نیوز) پار لیمانی سیکرٹری برائے اطلاعات محترمہ بشریٰ رند نے اپنے ایک بیان میں کہا ہے کہ حکومت بلوچستان جام کمال خان کی قیادت میں صوبہ خوشحالی کی طرف گامزن ہے اور اس عزم کا اظہار کیا ہے کہ کسی سے مرعوب ہوئے بغیر ہم ترقی کے سفر کا جاری رکھیں گے اور منزل پر پہنچ کر ہی دم لیں گے۔ صوبہ بلوچستان کی خوش قسمتی ہے کہ ایسا وزیر اعلیٰ ملا ہے جو بلا تفریق پورے صوبے کو اپنی توجہ کا مرکزبنائے ہوئے ہیں۔

- Advertisement -

صوبے میں صحت تعلیم اور دیگر اداروں پر خصوصی توجہ دی جارہی ہے۔ اور وہ وقت دور نہیں جب ان اقدامات کے ثمرات عوام کی بہبود اور خوشحالی کی صورت میں نمودار ہونا شروع ہو جائیں گے۔ کرونا ایک عالمی وبا ہ کی صورت میں نمودار ہوئی حکومت بلوچستان کی بہترین قائدانہ صلاحیتوں کی بدولت صوبہ بلوچستان متاثر ہونے سے کافی حد تک محفوظ رہا۔ حکومت بلوچستان کے ساتھ ساتھ عوام کی بھی ذمہ داری ہے کہ حکومتی اقدامات کو سمجھیں اور اس حوالے سے اپنا بھر پور تعاون کرتے ہوئے ساتھ نبھایں کیونکہ حکومت عوام کے تعاون کے بغیر اپنے اہدا ف حاصل کرنے میں کامیاب ہوگی۔ انہوں نے حکومتی کارکردگی پر اطمنان کا اظہار کرتے ہوئے کہا کہ حکومتی اقدامات صوبے میں خوشحالی اور ترقی کے ضامن ہیں

You might also like

Leave A Reply

Your email address will not be published.