Masael Quetta

دلہن کا شادی سے انکار،دولہا بغیر چشمے کے اخبار پڑھنے میں ناکام

2 482

Get real time updates directly on you device, subscribe now.

انڈیا ( ویب ڈیسک ) بھارت کے ریاست اتر پردیش میں نظر کے امتحان میں دولہا کی ناکامی کے بعد دلہن نے شادی توڑ دی۔
تفصیلات کے مطابق بھارت میں ایک دلہن نے شادی سے اس لیے انکار کردیا کیونکہ اس کے ہونے والے شوہر کی نظر اتنی زیادہ کمزور تھی کہ وہ چشمے کے بغیر اخبار بھی نہیں پڑھ سکتا تھا۔

اتر پردیش کے علاقے صدر کوتوالی میں قصبہ جمال پور کی ’ارچنا‘ اور قصبہ بنشی کے ’شیوم‘ کی شادی طے ہوگئی تھی اور دونوں کے گھر والے تیاریوں میں مصروف تھے۔

بارات کے وقت لڑکے سے کہا گیا کہ وہ چشمہ اتارے اور اخبار پڑھ کر دکھائے، لیکن چشمہ اتارنے کے بعد لڑکے کو بہت دھندلا دکھائی دینے لگا اور وہ اخبار نہیں پڑھ سکا۔

اس امتحان میں دولہے کی ناکامی کے بعد دلہن اور اس کے گھر والوں نے شادی ختم کردی اور بارات واپس بھیج دی۔

- Advertisement -

شادی کی تقریبات میں دلہن کے گھر کی عورتوں نے دیکھا کہ دولہا نے زیادہ تر وقت چشمہ لگایا ہوا تھا جس پر انہیں اندازہ ہوا کہ شاید وہ چشمے کے بغیر ٹھیک سے نہیں دیکھ سکتا۔
رشتہ طے کرتے وقت لڑکے والوں نے یہ بات نہیں بتائی تھی، لہذا ان عورتوں نے عین شادی والے دن دولہا کا ”امتحان“ لینے کا فیصلہ کیا۔

شکایت درج کرنے سے پہلے مقامی پولیس نے یہ مسئلہ بات چیت سے حل کرنے کی کوشش بھی کی لیکن دولہا والوں کے تعاون نہ کرنے پر پولیس میں باقاعدہ ایف ا?ئی ا?ر درج کرلی گئی۔

”ہمیں بالکل بھی اندازہ نہیں تھا کہ لڑکے کی نظر اتنی کمزور ہوگی۔ جب میری بیٹی کو اس بارے میں پتا چلا تو اس نے فوراً شادی منسوخ کرنے کا فیصلہ کیا اور ہم نے بھی اس کا ساتھ دیا،“ لڑکی کے والد ارجن سنگھ نے میڈیا کو بتایا۔

اس کے بعد انہوں نے مقامی تھانے میں دولہا کے گھر والوں کے خلاف شکایت بھی درج کروا دی جس میں کہا گیا تھا کہ انہیں دولہا کی اس ”خرابی“ کے بارے میں نہ بتا کر دھوکا دیا گیا جبکہ دولہا والے شادی کے انتظامات پر دلہن والوں کے اخراجات کی رقم، جہیز میں دی گئی بھاری نقدی اور دولہا کےلیے موٹر سائیکل سمیت دوسرا تمام ساز و سامان واپس کرنے سے انکاری ہیں۔

You might also like

Leave A Reply

Your email address will not be published.