Get real time updates directly on you device, subscribe now.
کوئٹہ(ویب ڈیسک) کے علاقے بھوسہ منڈی میں 14 دن سے لاپتہ چھوٹے لڑکے کے ساتھ بدفعلی کا واقعہ پیش آیا، جس کے بعد ایس ایچ او خالق شھید تھانہ امین جعفر ہمرا پولیس فورس نے کارروائی کرتے ہوئے تین افراد کو گرفتار کر لیا ہے،
جبکہ ایک ملزم کی تلاش جاری ہے۔ ذرائع کے مطابق، لڑکے کی بازیابی کے بعد اس کے ساتھ بدفعلی کی اطلاع پولیس کو دی گئی، جس پر فوراً تحقیقات شروع کر دی گئیں۔
- Advertisement -
پولیس نے مقدمہ درج کر کے تین ملزمان کو گرفتار کیا، جنہوں نے ابتدائی تفتیش میں جرم کا اعتراف کیا ہے۔ پولیس حکام کے مطابق، گرفتار ملزمان نے لڑکے کو اغوا کر کے اس کے ساتھ بدفعلی کی۔ اس دوران ایک اور ملزم کی شناخت ہوئی ہے، جس کی گرفتاری کے لیے پولیس کی ٹیمیں مختلف علاقوں میں چھاپے مار رہی ہیں۔
پولیس نے عوام سے درخواست کی ہے کہ اگر کسی کے پاس اس معاملے سے متعلق کوئی معلومات ہوں تو وہ فوری طور پر پولیس سے رابطہ کریں تاکہ ملزم کو جلد از جلد گرفتار کیا جا سکے۔
پولیس حکام نے اس عزم کا اظہار کیا کہ ایسے جرائم کے خلاف سخت کارروائی کی جائے گی اور ملزمان کو قانون کے مطابق سزا دی جائے گی
