MNN News
مسائل آپ کے اجاگر ہم کرینگے

گورنرپنجاب نے صدر کو حمزہ شہباز سے حلف نہ لینے سے متعلق آگاہ کر دیا

0 196

Get real time updates directly on you device, subscribe now.

لاہور (مسائل نیوز) گورنرپنجاب عمر سرفراز چیمہ نے صدرمملکت ڈاکٹر عارف علوی کو نومنتخب وزیراعلیٰ حمزہ شہباز سے حلف نہ لینے سے متعلق آگاہ کردیا ۔ تفصیلات کے مطابق اس ضمن میں گورنرپنجاب نے صدر پاکستان کو ایک خط لکھا ہے ، یہ خط 6 صفحات پرمشتمل ہے جس میں انہوں نے حلف نہ لینے سے متعلق آئینی وجوہات سے آگاہ کرتے ہوئے وزیراعلیٰ عثمان بزدار کے استعفے کو متنازع قرار دیا اور کہا کہ آرٹیکل 130 کی شق 8 کےتحت وزیراعلیٰ نے استعفیٰ گورنر کے نام تحریرکرنا تھا ، وزیراعلیٰ عثمان بزدار کے وزیراعظم کے نام استعفے پر میری آئینی رہنمائی فرمائی جائے اور وزیراعلیٰ کے متنازع الیکشن کے حل کیلئے بھی میری آئینی رہنمائی کی جائے کیوں کہ نومنتخب وزیراعلیٰ کا انتخاب بھی متنازع ہے۔

 

گورنر پنجاب نے کہا ہے کہ اپنی ذمہ داریاں آئین کے مطابق ادا کروں گا ، اس لیے آپ کوآگاہ کر رہا ہوں ، ہائی کورٹ نے مجھے آپ کو تحریری طور اپنی وجوہات سے آگاہ کرنے کا حکم دیا تھا ، میرے خیال میں یہ حکم دینا درست نہیں تاہم تمام ترحالات آپ کے علم میں لارہا ہوں تاکہ ضروری کارروائی کی جاسکے، عدالت نے ڈپٹی اسپیکر کو وزیراعلیٰ کا انتخاب شفاف اور غیرجانبدارانہ طور پر کرانے کی ہدایت کی تھی لیکن ڈپٹی اسپیکر نے وزیراعلیٰ کا انتخاب غیرجانبدار ہوکرنہیں کرایا۔

- Advertisement -

خط کے متن میں کہا گیا ہے کہ ڈپٹی اسپیکر نے غیرمنصفانہ، غیرشفاف اور جانبدارانہ طریقے سے وزیراعلیٰ کا انتخاب کرایا ، ڈپٹی اسپیکرکا اقدام عدالت کی ہدایات اور ان کے حلف کی خلاف ورزی ہے ، ڈپٹی اسپیکرکے اقدام کے باعث وزیراعلیٰ کے انتخاب کا عمل آئینی اور قانونی حیثیت نہیں رکھتا ، موصولہ رپورٹ اور ویڈیوز کے شواہد کی موجودگی میں وزیراعلیٰ کا انتخاب 73 کےآئین کے مطابق نہیں۔

عمر سرفراز چیمہ نے اپنے خط میں کہا ہے کہ آئین کےآرٹیکل 130 کی شق 5 کے تحت وزیراعلیٰ کی حلف برداری کا وقت مقرر نہیں ہے ، سیکرٹری اسمبلی کی رپورٹ وزیراعلیٰ کا انتخاب غیرآئینی ہونے کی دلیل ہے ، بطورگورنرایک انتہائی متنازع وزیراعلیٰ سے حلف نہیں لے سکتا ، وزیراعلیٰ کا انتخاب آئینی خلاف ورزیوں کا مثالی کیس ہے۔

Get real time updates directly on you device, subscribe now.

Leave A Reply

Your email address will not be published.