Masael Quetta

روس کا امریکا کی نئی پابندیوں کے ردِعمل میں انتقامی اقدامات کا اعلان

0 264

Get real time updates directly on you device, subscribe now.

روس کا امریکا کی نئی پابندیوں کے ردِعمل میں انتقامی اقدامات کا اعلان

- Advertisement -

ماسکو (مسائل نیوز ڈیسک )روس کی وزارت خارجہ نے کہا ہے کہ ایک روسی جہاز اور نورڈ اسٹریم 2 گیس پائپ لائن منصوبے پر کام کرنے والی دوکمپنیوں پر امریکا کی جانب سے عاید کردہ نئی پابندیوں کے ردعمل میں امریکا کے خلاف بھی انتقامی قدغنیں لگائی جائیں گی۔میڈیارپورٹس کے مطابق روسی وزارت خارجہ کی ترجمان ماریہ زخروفا نے ایک بیان میں کہا کہ ہم بائیڈن انتظامیہ کے اس طرح کے معاندانہ اقدامات کو سیاسی عزم کی کمی کی نظرسے دیکھتے ہیں اوریہ اس بات کے مظہر ہیں کہ امریکا شراکت داری کی بنیاد پرروس کے ساتھ تعلقات کے قیام کا ارادہ نہیں رکھتا ہے۔روس بحیرہ بالٹک کے پار 11 ارب ڈالر کی لاگت سے موجودہ نورڈ اسٹریم پائپ لائن کے ساتھ ایک اور پائپ لائن بچھا رہا ہے۔اس کے ذریعے روس یورپ تک یوکرین کو بائی پاس کرتے ہوئے گیس کی دگنا مقدار برآمد کرسکے گا۔یہ منصوبہ ماسکو اور واشنگٹن کے درمیان کشیدگی کی سب سے بڑی وجہ بن چکا ہے۔امریکا نے روس کے ایک جہاز، اس کے مالک اور ایک تعمیراتی کمپنی پر پابندیاں عاید کی ہیں۔تاہم اس منصوبہ کے مخالفین کا کہنا تھا کہ امریکا کے اس اقدام سے روس گیس پائپ لائن بچھانے کے اس منصوبہ سے دستبردار نہیں ہوگا۔امریکااور برطانیہ نے گذشتہ روزان افراد پر بھی پابندیاں عاید کی ہیں جن کے بارے میں ان کا کہنا تھا کہ وہ ایک سال قبل کریملن کے نقاد الیکسئی نفالنی کو زہردینے کے واقعے میں ملوث تھے اور وہ سب روسی انٹیلی جنس کے کارندے ہیں۔

You might also like

Leave A Reply

Your email address will not be published.