Get real time updates directly on you device, subscribe now.
کوئٹہ(ویب ڈیسک)وزیراعلیٰ بلوچستان میر عبدالقدوس بزنجو نے اسلام آباد میں او آئی سی کے وزرا خارجہ کے اجلاس کے انعقاد کا خیر مقدم کرتے ہوئے کہا ہے کہ ایک طویل عرصہ کے بعد پاکستان کی میزبانی میں او آئی سی کا اجلاس غیر معمولی اہمیت کا حامل ہے
- Advertisement -
اپنے ایک بیان میں وزیراعلیٰ نے کہا ہے کہ افغانستان کی صورتحال پر مسلم امہ کی بیٹھک پر پوری دنیا کی نظریں مرکوز ہیں اور اجلاس کا انعقاد ایک خوشحال اور پر امن افغانستان کے لیئے پاکستان کی سنجیدہ کوششوں کا مظہر ہے انہوں نے کہا ہے کہ اجلاس میں اسلامی ممالک کی قیادت کی بھرپور شرکت پاکستان کی خارجہ پالیسی پر اعتماد کا اظہار ہے
اجلاس کے انعقاد کے بہترین انتظامات پر وزارت خارجہ مبارکباد کی مستحق ہے وزیراعلی نے کہا ہے کہ اجلاس کے زریعہ افغانستان کے بہتر مستقبل کے لیئے لائحہ عمل کی تیاری کے ساتھ ساتھ اقوام عالم کو اسکی زمہ داریوں کے حوالے سے پیغام دیا جائے گا وزیراعلیٰ نے اس امید کا اظہار کیا ہے کہ او آئی سی وزرا خارجہ کے اجلاس کے مقاصد حاصل ہونگے اور خطہ کی صورتحال پر اس کے مثبت اثرات مرتب ہونگے۔
