
فرنٹیئرکور بلوچستان (نارتھ) تعلیمی ترقی اور نوجوانوں کے بہتر مستقبل کیلئے کوشاں ہے،ایف سی سبی سکائوٹس
کوئٹہ(مسائل نیوز)فرنٹیئرکور بلوچستان (نارتھ) کے زیراہتمام تعلیم کے فروغ اور نوجوانوں کو بااختیار بنانے کیلئے کانفرنس کا انعقاد
- Advertisement -
فرنٹیئرکور بلوچستان (نارتھ) سبی سکاوٹس کے زیراہتمام تعلیم کے فروغ اور نوجوانوں کو بااختیار بنانے کیلئے کانفرنس کا انعقاد کیا گیا جس میں رجسٹرار میر چاکر یونیورسٹی، ڈویژنل ڈائریکٹر ایجوکیشن سبی، ڈسٹرکٹ ایجوکیشن افسران سبی، پرنسپل گورنمنٹ بوائز ڈگری کالج سبی، پرنسپل گورنمنٹ گرلز ڈگری کالج سبی اور متعلقہ حکام نے شرکت کی۔ اس موقع پر کانفرنس کے شرکاء کو تعلیم کے میدان میں فرنٹیئرکور بلوچستان (نارتھ) کی خدمات کے بارے میں بریفنگ دی گئی۔ شرکاء کو ایف سی کی جانب سے مختلف اسکولوں اور کالجز کی تزئین و آرائش، نوجوانوں کے اسکالرشپ پروگرامز اور تعلیمی امدادی گرانٹس کے بارے میں بھی آگاہ کیا گیا۔ شرکاء نے فرنٹیئر کور بلوچستان (نارتھ) کی تعلیم کو فروغ دینے اور نوجوانوں کی مالی اور انتظامی امور میں مدد کرنے کی کوششوں کو سراہا۔ اس موقع پر ایف سی حکام نے شرکاء کو یقین دلایا کہ فرنٹیئرکور مختلف سیمینارز، انٹرایکٹو سیشنز، تعلیمی آگاہی ورکشاپس اور ذہانت کے فروغ کی سرگرمیوں کا انعقاد کرکے صوبے اور سبی کی تعلیم کی بہتری کے لیے موجودہ وسائل بروئے کار لائے گی۔