عام لوگوں کے ساتھ ہماری بیوروکریسی کا سلوک قطعی طور پر قابل رشک نہیں، فواد چوہدری

اسلام آباد(ویب ڈیسک)وفاقی وزیر اطلاعات و نشریات فواد چوہدری نے کہا ہے کہ عام لوگوں کے ساتھ ہماری بیوروکریسی کا سلوک قطعی طور پر قابل رشک نہیں۔اپنی ٹوئٹ میں فواد چوہدری نے کہا کہ کسی بھی شعبے کی طرح سفارتخانوں میں بہت اچھے آفیسرز ہیں لیکن داستانیں لکھی جا سکتی ہیں جو سابق ادوار میں پاکستانیوں کے

ساتھ سلوک رواء رکھا جاتا تھا۔ انہوںنے کہاکہ عمران خان کو کریڈٹ جاتا ہے انھوں نے عام مزدور کا دکھ محسوس کیا اور آج پاکستان کے سفارتخانے اپنے مزدوروں اور عام شہریوں کو جوابدہ ہیں۔وفاقی وزیر نے کہا کہ وہ چند سابق بیوروکریٹس کے وزیراعظم کو لکھے گئے خط پر حیران ہیں، تحریک انصاف بیرون ملک پاکستانیوں خصوصاًمزدوروں کے ساتھ ہرحال میں کھڑی ہوگی، رویوں کو بدلنے کی ضرورت ہے، عام لوگوں کے ساتھ ہماری بیوروکریسی کا سلوک قطعی طور پر قابل رشک نہیں یہ عموعی شکایت ہے اور سفارتخانے بھی اس سے مبرا نہیں۔