ایران نے ہمیشہ مشکل حالات میں پاکستان کی مدد کی ہے، ضیاء اللہ لانگو
کوئٹہ (مسائل نیوز)صوبائی وزیر داخلہ میر ضیاء اللہ لانگو نے کہا ہے کہ پاکستان اور ایران دونوں برادر اسلامی نے ہمشیہ بھائی چارگی دوستی اتحاد و اتفاق کے ذریعے مسائل کے حل کو یقینی بنایا ہے اور سرحدی مارکیٹوں کے قیام کے علاوہ گوادر پلان کے تحت 100میگا واٹ بجلی کی ترسیل کو بھی یقینی بنا رہے ہیں اور پاکستان لوگوں کو کی بہتری اور سہولیات کیلئے سٹریٹیجک گیس پائپ لائن کا منصوبہ جلد مکمل کیا جائیگا ان خیالات کا اظہار انقلاب اسلامی ایران کی 44ویں سالگرہ کے موقع پر ایرانی قونصل جنرل کے دفتر میں منعقدہ تقریب سے اظہار خیال کرتے ہوئے کیا اس موقع پر قونصل جنرل ایران حسن درویش مند ڈاکٹر عطاء الرحمٰن علامہ مقصود ڈومکی مفتی گل حسن ،عبداللہ اچکزئی،راحیلہ حمید درانی،سمیت دیگر نے بھی اظہار خیال کیا مقررین کا کہنا تھا کہ اسلامی جمہوریہ ایران اور اسلامی جمہوریہ پاکستان کے درمیان برادرانہ تعلقات 76ویں سال کا آغاز ہورہا ہے دونوں ممالک میں آپس میں دوستی اور اتحاد و اتفاق کے گہرے رشتے برقرار رکھتے ہوئے مثالیں قائم کی ہیں اور اسلامی انقلاب کی 44ویں سالگرہ میں ہماری شرکت باعث فخر ہے ایران نے ہمیشہ مشکل حالات میں پاکستان کی مدد کی ہے جس طرح گوادر پلان کے تحت 100میگاواٹ کی بجلی ترسیل مند اور پشین مشترکہ سرحدی مارکیٹ کے قیام کا افتتاح بھی ہوگا دونوں ممالک کے تعلقات میں بڑے بڑے اقدامات میں سے یہ ایک اقدام ہے پاکستانی بھائیوں کے پختہ ارادہ کی بدولت ایران پاکستان سٹریٹیجک گیس پائپ لائن منصوبہ جلد مکمل ہوگا دونوں ممالک کے عوام اپنے آہنی عزم کے ساتھ دہشت گردی اور اسکے عالمی سرپرستوں کیخلاف کامیابی حاصل کرینگے ہم خطے میں امن استحکام سلامتی اور بڑھتی ہوئی ترقی کا مشاہدہ کرینگے اس موقع پر صوبائی وزیرداخلہ میر ضیاء اللہ لانگو قونصل جنرل ایران حسن درویش مند نے انقلاب ایران کی 44ویں سالگرہ کا کیک کاٹا ۔
- Advertisement -